Soybean Market : सोयाबीन साठवावे की विक्री करावे हा प्रश्‍न

Soybean Market : विदर्भातील सर्वच बाजार समित्यांमध्ये सोयाबीनचे दर दबावात आहेत. त्यामुळे सोयाबीन विकावे की तारण ठेवावे, अशा विवंचनेत शेतकरी अडकला आहे. सोयाबीनची साठेबाजी केल्यास एकाचवेळी ते बाजारात येऊन दर आणखी कोसळण्याची भीती आहे.

त्यामुळे अमरावती बाजार समितीत गेल्या आठवड्यापासून सोयाबीनची आवक चार हजार क्‍विंटलवरुन दुपटीने वाढत आठ हजार क्‍विंटलवर गेली आहे. अमरावती बाजार समितीच्या सूत्रांनी दिलेल्या माहितीनुसार, बाजारात सोयाबीनचे दर किमान ४ हजार ४५० तर कमाल ४ हजार ५६२ रुपयांवर स्थिरावले आहेत. Soybean Market

महिनाभरापासून याच दराने सोयाबीनचे व्यवहार होत आहेत. परिणामी येत्या काळातही या दरात सुधारणा होण्याची शक्‍यता नसल्याची स्थिती आहे. त्यामुळे दरवाढीच्या प्रतीक्षेत सुरवातीला सोयाबीन बाजारात न आणणाऱ्या शेतकऱ्यांनी आता मोठ्या प्रमाणात सोयाबीन बाजारात आणले आहे. त्यामुळे अमरावती बाजार सुरवातीला अवघ्या ४१०० क्‍विंटलची आवक होत असताना आता ही आवक ८ हजार ६३५ क्‍विंटलवर पोचली आहे. Soybean

येत्या काळात ही आवक आणखी वाढण्याची शक्‍यता आहे. सुमारे दहा हजार क्‍विंटलवर आवक पोचेल, असा दावा केला जात आहे. शेतकऱ्यांना कौटुंबिक गरजा भागविण्यासाठी पैशाची गरज आहे. त्यासाठी त्यांच्याकडून शेतीमाल विक्रीसाठी आणला जात आहे. Soybean Market

• हे पण वाचा : मक्याची आवक बाजारात कशी सुरु आहे ? वाचा सविस्तर

केंद्र सरकारकडून ग्राहकांच्या हितापोटी आयात-निर्यात धोरण राबविण्यावर भर दिला जात आहे. त्यामुळे बाजारात सर्वच शेतीमालाचे दर दबावात आले आहेत. या स्थितीत अल्पसंख्याक शेतकऱ्यांसाठी कोणतीच नीती नाही. केवळ निवडणूकांपुरताच सर्वच पक्षांना शेतकरी आठवतो.
मनीष जाधव, जिल्हाध्यक्ष, स्वाभिमानी शेतकरी संघटना, यवतमाळ.

सोयाबीन बाजारभाव खालील प्रमाणे :

Soybean Market, Soybean Market